Contoh Susunan Acara Bahasa Jawa

PRANATACARA NUZULUL QURAN

Assalamuaikum Wr Wb

            Innalhamdalillaah, nahmaduhu wanasta’inuhu wanastaghfirruhu, wana’uudzubillahi min syuruuri anfusina wa min sayyiati a’maalina, may yahdihillahu fala mudzillalah wa may yudlill fala haadiyalah, asyhadu an-laailaaha illallaah wahdahu laa syariikalahu wa asyhadu anna muhammadan ‘abduhu warasuuluhu. Amma ba’du.

            Wonten ngarsanipun panjenenganipun Al Mukarram, Bopo Kyai Haji Aidy Sunani saking tlatah Batur, Ceper ingkang minulyo. Dhumateng panjenenganipun para alim ulama, ugi para sesepuh aji sepuh, ingkang dhahat kinabekten. Dhumateng panjenenganipun Bapak PJS Kepala Desa Karangtalun, Bopo H. Sumardi, SE saha perangkat desa samudayanipun ingkang sinudarsono. Dhumateng sagunging poro rawuh, kakung sumawono putri ingkang dipun rahmati dening Allah. Para bapak sumrambah para ibu saha para sedherek sedaya kaum muslimin lan muslimat rakhimakumullah.

            Langkung rumiyin sumangga kita ngaturaken raos syukur dhumateng ngarsanipun Allah SWT, amargi dumugi ing titiwanci menika, taksih kepareng paring nugraha kawilujengan dhumateng panjenengan sedaya dalasan kula, saha awit paringipun sak sae-saenipun ni’mat arupi iman lan Islam. Innalhamda lillaah. Shalawat saha salam mugi tansah katetepna dhumateng junjungan kita nabi agung Muhammad SAW, para garwa saha putra, para keluarganipun saha para sahabatipun, Mugi-mugi kawula panjenengan sedaya, khususipun ingkang hadir wonten ing punika majlis kalebet golonganipun ummat ingkang badhe pikantuk syafaatipun benjeng wonten ing Dinten Akhir. Allahumma amien.

            Para Bapak, para ibu kaum muslimin walmuslimat rahimakumullah. Keparenga langkung rumiyin kula minangka jejering pambiwara ingkang kapiji nderekkaken titi laksananing adicara Pengetan Nuzulul qur’an tahun sewu kawan atus tigang doso wolu (1348 H) keparenga kula badhe hangaturaken menggah urut reroncening adicara Pengetan ing titi wanci punika.

1.    Adicara angka setunggal inggih menika Pambuka

2.    Kalajengaken adicara ingkang angka kalih, Waosan Ayat-ayat Suci Alqur’an ingkang samangke badhe kasarinani dening Ananda Salsabila Nur Lathifah kanthi sari tilawah Ananda Alya Febrina Az Zahra.

3.    Adicara ingkang angka tiga nun inggih Sambutan-sambutan.

4.    Ndungkap Adicara ingkang angka sekawan inggih menika Istirahat.

5.    Kalajengaken adicara ingkang angka gangsal, kawula panjenengan lumebet dhumateng adicara ingkang inti, inggih punika, Ma’uidhah hasanah saking Panjenenganipun Bopo  kyai Haji Aidy Sunani.

6.    Minangka pungkasaning titi laksana pengaosan nun inggih panutup.

            Hadhirin wal hadhirat, kaum muslimin lan muslimat rahimakumullah, mekaten menggah urut reroncening titi laksana adicara Nuzulul Qur-an ing dalu punika. Mugi-mugi adicara ingkang sampun karantam menika sageta lumampah kanti rancag winantu barakahipun Gusti Allah SWT.

            1. Para rawuh ingkang dhahat kinurmatan, sumonggo adicara wonten ing dalu puniko kito awiti sesarengan kanthi maos surah Fatihah. Liridhalilahita'ala wa syafa'ati rasulillah shalallahu 'alaihi wasalam alfatihah:.......

Mugi-mugi kanthi waosan suratul Fatihah punika, adicara punika mangke sagedo lancar wiwit awal dumugi akhir. Amien.

            2. Adicara ingkang angka kalih, badhe katur waosan ayat-ayat suci Al Qur'an, ingkang dalu punika badhe dipun aturaken dening Ananda Salsabila Nur Lathifah kanthi Sari tilawah Ananda Alya Febrina Az Zahra.

Paripurna waosan ayat-ayat suci ingkang sampun kaaturaken. Ing pangajab, mugi kanthi waosan kala wau manah kita langkung tinarbuka saengga saget ayom ayem tentrem dumigi sak lami-laminipun. Amiin yaa rabbal ‘aalamiin.

            3. Para rawuh ingkang kinurmatan, kito lumebet dhumateng tataran adicara ingkang angka tiga, inggih punika sambutan-sambutan.

a.       Ingkang ongko setunggal, nun inggih sambutan saking Ketua panitia pengetan Nuzulul Qur’an, ingkang badhe kaaturaken dening panjenenganipun sedherek Ahmad Novianto. Dhumateng panjenenganipun sedherek Ahmad Novianto kawula sumanggaaken. ...Matur nuwun dhumateng sedherek Ahmad Novianto ingkang sampun kerso paring sambutan amawili panitia.

b.      Saklajengipun, sambutan ingkang kaping kalih, inggih punika sambutan saking Panitia Hari Besar Islam (PHBI) Desa Karangtalun. Dumateng Bopo Haji. Eko Yuni Saputro, S.PdI, wekdal kasumanggakaken....... Matur nuwun dhumateng Bopo Haji. Eko Yuni Saputra, S.PdI ingkang sampun kerso paring sambutan amawili PHBI Desa Karangtalun

c.       Saklajengipun, sambutan ingkang pamungkas, nun inggih sambutan saking Pemerintah Desa Karangtalun. Dhumateng panjenenganipun Bopo Haji Sumardi, SE selaku PJS Kepala Desa Karangtalun. Wekdal saha panggenan kawula sumangga'aken....

...Matur nuwun dhumateng Bopo Haji Sumardi, SE minangka PJS Kepala Desa Karangtalun ingkang sampun kerso paring sambutan wonten ing adicara dalu punika..

            4. Hadirin wal hadirat rahimakumullah' Mekaten kalawau, sambutan mbaka sambutan sampun katur wonten ing ngarso panjenengan sedoyo. Ngancik adicara ingkang kaping sekawan inggih menika Istirahat. Wekdal istirahat ing dalu menika badhe di pun isi dening Grup Hadroh ugi Sholawat saking Remaja Islam Desa Karangtalun. Hananging Sakderengipun, kawulo badhe maosaken pengumuman-pengumuman..

Pengumuman ingkang sepindhah..

Pengumuman ingkang onko kalih nun inggih.. dst.

Saklajengipun, Dhumateng rencang Grub Hadroh Remaja Islam Desa Karangtalun. Wekdal Kasumanggakaken.. sumonggo...

            5. Hadhirin wal hadhirat, kaum muslimin wal muslimat rahimakumullah, purwa lan madyaning pepanggihan sampun kita lampahi kanthi kalis ing rubeda. Tumapaking adicara salajengipun nun inggih wedharing wursita aji saha ma’uidhah hasanah ingkang minangka sari lan wigatosing pepanggihan menika. Dhumateng almukarrom bapa Kyai Haji Aidy Sunani, wekdal saha panggenan kawula sumanggakaken. Sumangga.......

Ngaturaken sanget agunging panuwun dhumateng panjenenganipun almukarrom bopo KH Aidy Sunani ingkang sampun paring piwucal luhur dhateng para jamaah ing dalu menika. Saestu sedaya pangandika saha piwucal luhur menika ndadosaken tuladha tumrap kita ingkang rawuh saha midhangetaken wedharing pengaosan.

Poro bapak, poro ibu sarta sedherek sedaya rakhimakumullah, purnaning wedharing pengaosan menika, bilih titi laksitaning adicara pepanggihan ing dalu punika sampun paripurna. Anamung saderengipun pepanggihan menika kapungkasi, kula ingkang piniji ndherekaken lampahing adicara, mbok bilih pinangih atur ingkang kirang nuju prana saha tindak tanduk ingkang kirang nengsemaken, kanthi andhap asoring manah kula nyuwun gunging samodra pangaksami.

Muslimin wal muslimat, ingkang kinurmatan, minangka pratandha panutuping adicara dalu punika, sumangga sareng-sareng kita ngunjukaken raos syukur dhateng ngarsanipun Gusti Allah SWT karana maos lafal Hamdalah, kula dherekaken. Alhamdulillaahirabbil’aalamiin.

Wusana, ngaturaken sugeng kundur mugi tansah rahayu ingkang sami pinanggih.

Wassalaamu’alaikum warahmatullaahi wabarakatuh.